

D3662

།ལོ་ཙཱ་བ་རིན་ཆེན་བཟང་པོས་བསྒྱུར་ཅིང་ཞུས་ཏེ་གཏན་ལ་ཕབ་པའོ།།[་]@##། །རྒྱ་གར་སྐད་དུ། ཨཱརྱ་མཱ་རཱི་ཙྱཻ་སཱ་དྷ་ནཾ་ནཱ་མ། བོད་སྐད་དུ། འཕགས་མ་འོད་ཟེར་ཅན་གྱི་སྒྲུབ་པའི་ཐབས་ཞེས་བྱ་བ། འཕགས་མ་ འོད་ཟེར་ཅན་ཉིད་ལ་ཕྱག་འཚལ་ལོ།།བློ་ལྡན་སེམས་དཔའི་སྐྱིལ་ཀྲུང་གིས། །སྙིང་རྗེ་ཆེན་པོ་རབ་དམིགས་ལ། །སྔ་བར་སྙིང་གར་ཟླ་བ་ལ། །ོཾ་ཡིག་དཀར་པོ་བསྒོམ་པར་བྱ། །རྣམ་སྣང་ཞེས་པའི་བདག་ཉིད་ཅན། །ཏི་ཡི་འོད་ཟེར་ཀུན་དུ་དཀར། །ར་བ་ཟླུམ་པོ་མཆོད་རྟེན་ཏེ། ། འབར་བའི་འོད་ཀྱིས་ཀུན་དུ་བརྒྱན། །བསྲུང་བའི་དོན་དུ་མདུན་དང་རྒྱབ། །གཡས་དང་གཡོན་དང་གཞན་ཡང་སྟེང་། །རིམ་བཞིན་མ་སོགས་བྲན་ལ་སོགས། །བུ་མོ་ལ་སོགས་བུམ་སོགས་དང་། །ལུགས་མ་ཐང་སྐུ་བཤེས་གཉེན་དང་། །པོ་ཏི་ལ་སོགས་ཇི་སྙེད་པའོ། །ཏི་ནས་སྙིང་གའི་ཟླ བར་མཾ།།མྱ་ངན་མེད་ཀྱི་ཡལ་གར་སྐྱེས། །འཕགས་མ་འོད་ཟེར་ཅན་མ་བསམ། །སྐུད་པ་ཁབ་རྣམས་བསྣམས་པ་མོ། །ལྡང་བའི་ཚུལ་གྱིས་གཡས་པ་ཡི། །སྣ་བུག་ནས་བྱུང་བདུན་ཉེར་གནས། །གདུག་ཅན་ཁ་དང་མིག་དྲུབས་ནས། །ར་བའི་ཕྱི་རོལ་དག་ཏུ་བྱས། །གཞན་ཡང་རིག་སྔགས་ ་བཟླས་པ་བྱ།